index introductio imagines || partitura exemplar translatio

bibliographia e-mail

CTH 395.1

Exemplar --

Citatio: A. Chrzanowska (ed.), hethiter.net/: CTH 395.1 (Expl. --, 16.06.2015)

§ 1

1 -- [mān UN-]aš LÚ-aš našma MUNUS-za

2 -- nu=šši MU.KAMḪI.A=ŠU [nininka]nteš

3 -- n=an uddanaš EN-aš kišan DÙ-zi

4 -- šuḫḫi=[ká]n DUTU-i IGI-anda GIŠBANŠUR-un dāi

5 -- nu=ššan 1 NINDA.ÉRINMEŠ dāi

6 -- INA 1 NINDA.ÉRINMEŠ=ma=ššan šer NUMUNḪI.A ḫūman šuḫḫai

§ 2

7 -- ZÍZ-tar šeppit parḫūenaš ewan karaš ḫattar zinail kūtiyan

8 -- nu kuitta NUMUN-an arḫaian šuḫḫan

9 -- šerr=a=ššan NUMUNḪI.A-naš=šmaš4 1 NINDA.GUR4.RA ZÍZ TUR ištappullianza kitta

10 -- nu=kan anda GUŠKIN KÙ.BABBAR NA4ZA.GÌN NA4GUG NA4parašḫaš NA4TI NA4KÁ.DINGIR.RA

11 -- kuitta parā tepu dāi

§ 3

12 -- BAPPIR DIM4 tepu 6 ŠUMEŠ kappiš ŠÀ-BA ANA 2 SA5 2 GE6

13 -- DUTU-aš parḫūenaš mumuwai

14 -- U ANA GU4.APIN.LÁ-kan ḫuišwanti ANA SIḪI.A=ŠU alpuemar tepu kuranzi

15 -- nu=kan apē=ia anda ANA NINDA.GUR4.RA dāi

§ 4

16 -- 7 NINDA.GUR4.RA ZÍZ TUR

17 -- nu=kan apū=šša INA NINDA.ÉRINMEŠ dāi

18 -- namma 1 NINDA.GUR4.RA TUR DGulaššaš

19 -- nu=kan apā=šša INA NINDA.ÉRINMEŠ arḫaian kitta

20 -- GIŠBANŠUR-i=ma piran GAM taknī GAL.GIR4 kitta

21 -- nu=ššan IZI šuḫḫan

22 -- nu GIŠERIN Ì.NUN LÀL ḫūšzaš=a? šamešiyazi

§ 5

23 -- šer=a=ššan ZÍ.DA ZÍZ MUN=ia šuḫḫai

24 -- nu [kiš]an memai

25 -- MUN GIM-an UDUḪI.A lilipanti

26 -- nu uiddu kūš ḫūkmauš DUTU-uš QATAMMA lilipaiškiddu

27 -- nu IGI-zi palši uddanaš EN-aš DUTU-i kišan ḫūkzi

§ 6

28 -- DUTU-uš=za EZEN4-an DÙ-at

29 -- nu=za dapiuš DINGIRMEŠ-[uš] ḫalzāiš

30 -- [nu=z]a ḫūmandan DUMU.LÚ.U19.LU-an [ḫalzāiš]

31 -- [ … ]

§ 7'

32 -- [ … ]

§ 8''

33 -- DUTU-uš araḫza we[ḫzi]

34 -- nu=wa=šši fMaddu[ta … ]

35 -- n=aš DUTU-i ginuwaš=šaš p[iran kattan … ]

36 -- DUTU-ue EN-mit EGIR-pa=ma=a[n pāi]

37 -- AMAR-un=man DUMU-la=man pāi

§ 9''

38 -- DUTU-uš ḫarkiš GEŠTU-KA! lakkiš[ki]

39 -- nu ḫūman NUMUN dā

40 -- DUTU-ui BĒLI=IA E[N SISKUR=ma=mu EGIR-pa pāi]

41 -- nu=za GUŠKIN dā

42 -- EN SISKUR=ma=mu EGIR-pa pā[i]

43 -- [ … ]

44 -- [ … ]

45 -- nu=za NA4ZA.GÌN dā

46 -- EN SISKUR=ma=mu EGIR-pa pā[i]

47 -- nu=za NA4GUG dā

48 -- EN SISKUR=ma=mu EGIR-pa pā[i]

49 -- nu=za NA4KÁ.DINGIR.RA dā

50 -- EN.SISKUR=ma=mu EGIR-pa pā[i]

§ 10''

51 -- nu=za NA4TI dā

52 -- EN SISKUR=ma=mu EGIR-pa pāi

53 -- nu=za NA4parašḫan dā

54 -- EN SISKUR=ma=mu EGIR-pa [pāi]

55 -- nu=za BAPPIR DIM4 dā

56 -- EN SISKUR=ma=mu EGIR-pa pāi

57 -- ziqq=a DUTU-uš īt

58 -- nu terin 4-in 5-in [ … ] wēlui ...

59 -- lā dariyanta[n]

60 -- turiya=ma waršiyanta[n]

61 -- lā dariyantan

62 -- tūriya=ma waršiyanta[n]

63 -- n=at 3-ŠU teši

§ 11''

64 -- NA4ARA5=za=kan GIM-an kappiš išpartiyēzzi

65 -- EN SISKUR=kan DĀgni KAxU-za QĀTAMMA iš[par]tiddu

66 -- IGI-zi=an GIM-an GIŠḫurkin EGIR-ziš anda UL wemiyazi

67 -- idaluš=a UD.KAM-az EN SISKUR lē KAR-zi

68 -- natta ammel [uddār] DUTU-aš DKamrušipaš=a uddā[r]

69 -- tandukišnaš=at DUMU-aš ḫū[kmāuš … ]

§ 12''

70 -- nu kūn ḫūkmain 7-ŠÚ ḫ[ūkzi]

71 -- 7 NINDA.GUR4.RA paršiya

72 -- 1-ŠU irḫā[izzi]

73 -- nu 1 NINDA.GUR4.RA paršiya

74 -- nu ḫū[k!- … ]

75 -- NINDA.GUR4.RA=ia ⌈7⌉-an D[ … ] paršiyanna[i]

76 -- memiškizz[i=i]a QĀTAMMA

77 -- D[U]TU-i ziqqa azzikki

78 -- nu kī memiškimi { DINGIRMEŠ }

79 -- ḫūkkiškimi=ia kuit

80 -- n=at=mu DUTU-uš [EG]IR-an tarna {aš}

81 -- mān ḫū[km]ain [ … ]

82 -- NINDA.GUR4.RA-ia [pár-ši-ia?]

83 -- [ … š]unizzi

84 -- [nu?] DGulaššaš [ … ]

85 -- [ … ] DGulaššaš=pat par[šiya]

86 -- [ … ]

87 -- [ … -?]x-eški[t]

88 -- [ … ]

§ 13'''

89 -- [ … ]x GAM-an [ … ]

90 -- [ … ]x-x[ … ]-at

91 -- n=at=mu EGIR-an tarna [ … ]

92 -- nu=kan tarnuwar x-[ … ]x

93 -- nu NUMUNḪI.A š[uḫ]ḫi išḫuwanzi

§ 14'''

94 -- DUTU-uš nūwa a[rt]a

95 -- uddanaš=apa EN-[aš ]x-ip-?x-un ME-i

96 -- t=an É-ri É.ŠÀ-ni dāi

97 -- mān GE6-a[nza k]išari

98 -- uddanaš EN-aš [ … ] GIŠḫattalwaš GIŠ-r[ui … ] tekan paddai

99 -- nu 1 ŠAḪ.TUR dāi

100 -- n=an=kan ḫattešna GAM-anta ḫattari

101 -- ēšḫar=šēt kattanta tarnai

§ 15'''

102 -- nu tittiyan [ZÌ?.D]A? IGI.DU8.A??? ḫalk[i- … ]-an kunan NINDA.Ì.E.DÉ.A ḫattešni GAM-anta [d]āi

103 -- 1 NINDA.Ì dāi

104 -- [n]=an paršiya

105 -- n=an=kan x[ … ] dāi

106 -- ka[r]ūiliuš DINGIRMEŠ azzi[kkand]u

107 -- Š[AḪ]-aš ēš[ḫar] ŠÀ ummanta kantan an-⌈x⌉-⌈uš⌉?-⌈na⌉-⌈aš⌉? ZÌ.DA-an N[INDA].Ì.E.DÉ.A NINDA.Ì ēzten [ … ]

108 -- nu=za išp[iy]atten

109 -- nu GEŠTIN?-an 3-ŠÚ peški[zzi]

110 -- ḫatt[e]šni GAM-anda BAL-anti

111 -- karū[liuš DINGIRMEŠ-uš] ḫa[l]z[iyanz]i

112 -- Š[E? GEŠT]IN?-an K[AŠ-ša]r?

113 -- nu=za Ì.GI[Š dāi]

§ 16'''

114 -- GIŠḫattalwaš GIŠ-rui IŠTU Ì išk[izz]i

115 -- nu=ššan NINDA.GUR4.RA šuppiyanta[n … ]

116 -- [kat]tan GIŠḫattalwaš GIŠ-rui dā[i]

117 -- [ … ] šer NINDA.Ì.E.DÉ.A dāi

118 -- nu GEŠTIN [K]AŠ=ia [dāi]

119 -- piran kuitta 3-ŠÚ BA[L- … ]

120 -- GIŠḫattalwaš zik ak[- … -]ki

121 -- n=apa [ … ] EGIR-pa ḫaškiši

122 -- danku[in ... ] =apa ta-x[ ... ]

123 -- īt zik EGIR-pa ḫāš

§ 17'''

124 -- nu karūliuš DINGIRMEŠ-uš uwate

125 -- x[ … ] apiya danzi

126 -- nu=za pāndu

127 -- api[ya] taknaš DUTU-un mukiškandu

128 -- nu x[ … ] kuit DÙ-nun

129 -- n=an=mu DINGIRMEŠ EGIR[-pa … ]

§ 18'''

130 -- x-an x-x tittiyantan [ … ]

131 -- n=ašta ḫappešnaza ḫūma[n- … ] kuwapi x-x kuirzi

132 -- nu=kan [ … ] GAM-anda dāi

133 -- GEŠTIN-an 1-ŠÚ [šipanti]

134 -- nu kišan memai

135 -- ūk GIM-an [ … ]

136 -- ḫappešnaš UZU-x-x?[ … ]

§ 19''''

137 -- [ … ]

138 -- [ … ]

139 -- [ … ] PĀNI GIŠBANŠUR [ … ]

140 -- 3-ŠU BAL-anti

§ 20''''

141 -- uddanašš=a EN-aš nu kišan memai

142 -- zikzan GIM-an INA UD.9.KAM ḫuišwantaš ḫūganta naitta

143 -- tuqqa DINGIRMEŠ ḫūm[a]nteš :nū ḫalziyandu

144 -- [udd]ānaš EN-aš LUGAL-i arkuwaizzi

145 -- n=aš=kan parā uizzi

146 -- UD.9.[KAM tu]ḫḫušta

§ 21''''

147 -- [UZU]DIR ŠA GU4.MAḪ EGIR-pa LU[GAL-uš] dāi

148 -- kuwāt(t)an=za [ … ] LUGAL-uš dāi

149 -- n=an=za da-[ ... ]

150 -- [ … ]x-x U NINDA.GUR4.RA [ištap]ulliyantan arḫa adanzi

151 -- [GIŠBAN]ŠUR AD.KID uddanaš EN-aš dāi

§ 22''''

152 -- [ … ]EN SISKUR ḫūganta INA UD.7.KAM neian ḫarzi

153 -- [ … ]x UD.7.KAM paizzi

154 -- n=at=za=kan arḫa dāi

155 -- [n=a]t=šan ŠÀ GIŠPISAN.TÚGḪI.A dāi

156 -- kuin UL [g]inuškanzi

157 -- n=at=šan INA É NA4 KIŠIB anda [t]ianzi

158 -- n=at namma UL kuiški ninikzi

§ 23''''

159 -- [k]ūn SÍSKUR uddana[š] EN-aš tametaš parnaš anda [a]pāšila=pat ēššai

160 -- UL=an INA É.GAL-LIM ēššai

161 -- [LUG]AL-uš UL tiškizzi

162 -- kuit=za=kan INA UD.9.KAM=pat [w]arapzi

163 -- nu=za=kan ḫūmanta nāi

§ 24''''

164 -- INIM fḪantitaššu LÚ URUḪurma QATI

§ 25''''

165 -- [ … ]